Bugun O‘zbekistonda hozircha 513ta yangi kasallanish holati qayd etildi.
«2020 yil 3 avgust soat 16:00 holatiga ko‘ra, O‘zbekistonda koronavirus infeksiyasi qayd etilganlar soni 26 066 nafarni tashkil etmoqda», deyiladi SSV xabarida.
Respublikaning 10 hududida koronavirusdan zararlanish bilan bog‘liq yangi holatlar qayd etilgan.
- Toshkent viloyatida 236 holat;
- Toshkent shahrida 173 holat;
- Samarqand viloyatida 26 holat;
- Qashqadaryo viloyatida 16 holat;
- Qoraqalpog‘istonda 13 holat;
- Surxondaryo viloyatida 12 holat;
- Xorazm viloyatida 11 holat;
- Sirdaryo viloyatida 10 holat;
- Farg‘ona viloyatida 9 holat;
- Andijon viloyatida 7 holat.
Bugun shuningdek, hozircha 331 nafar kishi kasallikdan sog‘aygan va O‘zbekistonda shu vaqtgacha tuzalganlarning jami soni 16 ming 838 nafarga yetgan.
- Toshkent shahrida 172 nafar;
- Toshkent viloyatida 114 nafar;
- Andijon viloyatida 22 nafar;
- Navoiy viloyatida 14 nafar;
- Farg‘ona viloyatida 9 nafar.
Bugun hozircha Toshkent shahri va Toshkent viloyatida jami 4ta o‘lim holati qayd etildi va O‘zbekistonda jami o‘limlar soni 157taga yetdi.
- Covid-19 tasdiqlangach, Bekobod shahar yuqumli kasalliklar shifoxonasiga yotqizilgan, Toshkent viloyati Bekobod shahrida yashagan 60 yoshli bemor G.S.da (ayol) vafot etdi;
- Covid-19 tasdiqlangandan so‘ng bir necha kun davomida tana harorati ko‘tarilganligi, nafas yetishmovchiligi kuchayganligi sababli Toshkent tibbiyot akademiyasi klinikasiga yotqizilgan, Toshkent viloyati Toshkent tumanida yashagan 67 yoshli bemor E.A. (erkak) vafot etdi.
- 25 iyul kuni Covid-19 tasdiqlangan va nafas yetishmovchiligi belgilari kuchayganligi sababli Toshkent tibbiyot akademiyasi klinikasiga yotqizilgan, Mirzo Ulug‘bek tumanida yashagan 69 yoshli bemor N.Ye. (ayol) vafot etdi.
- 25 iyul kuni Covid-19 infeksiyasi tasdiqlangan va bir necha kun davomida tana harorati ko‘tarilganligi, nafas yetishmovchiligi kuchayganligi sababli Virusologiya ilmiy-tekshirish instituti klinikasiga yotqizilgan, Olmazor tumanida yashagan 49 yoshli bemor D.S. (ayol) vafot etdi.
Hozirda mamlakatimizda 9 071 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.
