Бугун Ўзбекистонда ҳозирча 513та янги касалланиш ҳолати қайд этилди.
«2020 йил 3 август соат 16:00 ҳолатига кўра, Ўзбекистонда коронавирус инфекцияси қайд этилганлар сони 26 066 нафарни ташкил этмоқда», дейилади ССВ хабарида.
Республиканинг 10 ҳудудида коронавирусдан зарарланиш билан боғлиқ янги ҳолатлар қайд этилган.
- Тошкент вилоятида 236 ҳолат;
- Тошкент шаҳрида 173 ҳолат;
- Самарқанд вилоятида 26 ҳолат;
- Қашқадарё вилоятида 16 ҳолат;
- Қорақалпоғистонда 13 ҳолат;
- Сурхондарё вилоятида 12 ҳолат;
- Хоразм вилоятида 11 ҳолат;
- Сирдарё вилоятида 10 ҳолат;
- Фарғона вилоятида 9 ҳолат;
- Андижон вилоятида 7 ҳолат.
Бугун шунингдек, ҳозирча 331 нафар киши касалликдан соғайган ва Ўзбекистонда шу вақтгача тузалганларнинг жами сони 16 минг 838 нафарга етган.
- Тошкент шаҳрида 172 нафар;
- Тошкент вилоятида 114 нафар;
- Андижон вилоятида 22 нафар;
- Навоий вилоятида 14 нафар;
- Фарғона вилоятида 9 нафар.
Бугун ҳозирча Тошкент шаҳри ва Тошкент вилоятида жами 4та ўлим ҳолати қайд этилди ва Ўзбекистонда жами ўлимлар сони 157тага етди.
- Covid-19 тасдиқлангач, Бекобод шаҳар юқумли касалликлар шифохонасига ётқизилган, Тошкент вилояти Бекобод шаҳрида яшаган 60 ёшли бемор Г.С.да (аёл) вафот этди;
- Covid-19 тасдиқлангандан сўнг бир неча кун давомида тана ҳарорати кўтарилганлиги, нафас етишмовчилиги кучайганлиги сабабли Тошкент тиббиёт академияси клиникасига ётқизилган, Тошкент вилояти Тошкент туманида яшаган 67 ёшли бемор Э.А. (эркак) вафот этди.
- 25 июль куни Covid-19 тасдиқланган ва нафас етишмовчилиги белгилари кучайганлиги сабабли Тошкент тиббиёт академияси клиникасига ётқизилган, Мирзо Улуғбек туманида яшаган 69 ёшли бемор Н.Е. (аёл) вафот этди.
- 25 июль куни Covid-19 инфекцияси тасдиқланган ва бир неча кун давомида тана ҳарорати кўтарилганлиги, нафас етишмовчилиги кучайганлиги сабабли Вирусология илмий-текшириш институти клиникасига ётқизилган, Олмазор туманида яшаган 49 ёшли бемор Д.С. (аёл) вафот этди.
Ҳозирда мамлакатимизда 9 071 нафар беморга шифокорлар томонидан белгиланган стандартлар бўйича даво чоралари кўрилмоқда.
