Ayol bolalarini qiynab tasvirga olgan va Rossiyada bo‘lgan eriga yuborgan.
Ijtimoiy tarmoqlarda bir ayol o‘z bolalarini qiynayotgani aks etgan video tarqaldi.
Samarqand viloyati IIB axborot xizmatining xabar berishicha, holat Kattaqo‘rg‘on tumanining “Andoqsoy” MFY, Andoqsoy qishlog‘ida sodir bo‘lgan.
2000 yilda tug‘ilgan X.U. ayni damda Rossiyada bo‘lgan eri bilan janjallashib, jahl ustida bolasini qiynab, tasvirga olib turmush o‘rtog‘iga yuborgan.
Ma’lum qilinishicha, holat yuzasidan Kattaqo‘rg‘on tumani IIB huzuridagi tergov bo‘limi tomonidan Jinoyat kodeksining 110-moddasi 2-qismi "a" bandi (Voyaga yetmaganlarni qiynash) bilan jinoyat ishi qo‘zg‘atilgan.
Ayolning himoya huquqi ta’minlangan holda jinoyat ishiga gumonlanuvchi sifatida jalb etilgan. Hozirda tergov harakatlari olib borilmoqda.
Qayd etilishicha, ushbu oila hamda bolalar bilan ishlash uchun mutaxassis psixologlar jalb etilgan.
