15:32 / 07.09.2017
7017
ShHT bosh kotibi yagona kriptovalyuta va tashkilotning jahondagi o‘rni haqida

Shanhay hamkorlik tashkiloti bosh kotibi Rashid Alimovning RT’ga ma'lum qilishicha, tashkilotga a'zo davlatlar uchun yagona kriptovalyutani joriy etish masalasi hozircha muhokama etilmagan.

«Bu mavzu hech qachon ekspertlik darajasi yoki moliya vazirlari yig‘ilishida ko‘tarilmagan. Hozircha bu masala kun tartibida yo‘q edi», - deya ma'lum qildi u.

Shuningdek, Alimov Osiyo-Tinch okeani mintaqasi va ShHTning jahondagi jarayonlarda tutgan muhim o‘rni haqida to‘xtalib o‘tdi.

«Shanhay hamkorlik tashkiloti – bu 3 mlrd 120 mln kishi, bu jahon yalpi mahsulotining qariyb 25 foizi, biroq eng asosiysi – bu yer sharining iqtisodiy jihatdan eng faol aholisi. Bularning bari istiqbollar va katta salohiyatdan darak beradi. Bugun shuni ishonch bilan aytish mumkinki, insoniyat sivilizatsiyasining iqtisodiy rivojlanishi aynan shu yerda», - deya ma'lum qildi u.

Shuningdek, Alimovning qo‘shimcha qilishicha, ShHT a'zolariga mintaqa muhimligi tufayli tinchlik va barqarorlikni saqlab qolishga yo‘naltirilgan faoliyatga mas'uliyat bilan yondashish talab etiladi.

Top