07:30 / 18.12.2017
10581
Messi «Kamp Nou»da «Oltin butsa»sini ko‘rsatdi
Foto: Barselona FK

“Barselona” hujumchisi Lionel Messi Ispaniya Primerasi 16-turidan o‘rin olgan, “Deportivo”ga qarshi o‘yin oldidan “Kamp Nou” stadionida muxlislarga “Oltin butsa”sini ko‘rsatdi.

Messi ushbu mukofotning 4 karra sohibi bo‘lgani may oyida ma'lum bo‘lgandi, mukofotning o‘zi esa 24 noyabrda topshirilgan.

Messi Ispaniya Primerasining 2016/2017 yillardagi mavsumida “Barsa” tarkibida 34 ta o‘yin o‘tkazib, 37 ta golga mualliflik qilgan va 74 reyting ochkosi to‘plagan.

Messi 2010, 2012 va 2013 yillarda ham Yevropa chempionatlarining eng yaxshi to‘purari bo‘lgandi.

“Oltin butsa” reytingida futbolchi urgan gollar soni chempionatning tegishli koeffitsiyentiga ko‘paytiriladi. Yevropaning yetakchi 5 chempionatida (Ispaniya, Angliya, Fransiya, Italiya va Germaniya) urilgan gollar 2 ochko bilan baholanadi.

Top