19:59 / 18.05.2018
10402
O‘zbekistonlik qo‘l jangi ustalari xalqaro turnirda qator medallarni qo‘lga kiritishdi

Rossiyaning Ufa shahrida o‘smirlar o‘rtasida Osiyo Ochiq chempionati o‘z yakuniga yetdi. Unda 19 davlatdan eng sara qo‘l jangi ustalari g‘oliblik uchun bahs olib borishdi. Bahslar 3ta yosh toifasida o‘tkazildi.

Foto: Qo‘l jangi federatsiyasi matbuot xizmati
Foto: Qo‘l jangi federatsiyasi matbuot xizmati

Mazkur turnirda O‘zbekiston o‘smirlar terma jamoasi ham to‘liq tarkib bilan ishtirok etdi. 12-13 yoshli sportchilar o‘rtasida o‘tkazilgan bahslarda vakillarimiz tomonidan 3ta oltin, 5ta kumush va 4ta bronza medali qo‘lga kiritildi.  14-15 yoshli sportchilar o‘rtasidagi bahslarda esa vakillarimiz 2 ta bronza va 5 ta kumush medalni qo‘lga kiritishgan bo‘lsa, 4 marotaba shohsupaning eng yuqorisiga ko‘tarilishdi. 16-17 yoshli sportchilar o‘rtasida o‘tkazilgan bahslarda esa sportchilarimiz 4ta oltin, 5ta kumush va 1 bronza medalini qo‘lga kiritishdi. Umumiy hisobda 11ta oltin, 15ta kumush va 7 bronza medali bilan taqdirlangan o‘zbekistonlik qo‘l jangi ustalari umumjamoa hisobida 2-o‘rinni egallashdi.

Foto: Qo‘l jangi federatsiyasi matbuot xizmati
Foto: Qo‘l jangi federatsiyasi matbuot xizmati

Birinchi o‘rin esa mezbon rossiyalik sportchilarga tegishli bo‘ldi. Qozog‘istonlik o‘smirlar esa medallar jamg‘arish bo‘yicha 3-natijani qayd etishdi.

Foto: Qo‘l jangi federatsiyasi matbuot xizmati

Eslatib o‘tamiz, Ruminiyaning Buxarest shahrida o‘tgan yili bo‘lib o‘tgan jahon chempionatida vakillarimiz 15ta medalni qo‘lga kiritgan holda, umumjamoa hisobida birinchi o‘rinni egallashgan edi.

Mavzuga oid
Top