«Manchester Yunayted» YeChLning guruh bosqichi 5-turida «Yang Boyz»ni qabul qilib, Marvon Fellayni tomonidan 90+1-daqiqada urilgan yagona gol evaziga g‘alaba qozondi.
«Qizil iblislar» jamoasi bosh murabbiyi Joze Mourino nafaqat g‘alaba keltirgan, balki YeChL pley-offi yo‘llanmasini ham naqd qilgan ushbu golni texnik hududdagi suv idishlari turgan yashikni sindirish bilan nishonladi.
Portugaliyalik mutaxassis YeChLda 14-mavsumini o‘tkazayotgan bo‘lsa, ularning barchasida o‘z jamoasini pley-offga olib chiqishni uddalagan.
O‘yindan keyingi matbuot anjumanida Mourino bu yutug‘i bilan maqtangan edi.
