Ispaniya harbiy-havo kuchlariga qarashli samolyot mamlakatning Mursiya provinsiyasi sohiliga yaqin joyda dengizga qulab tushdi. Bu haqda mahalliy tez yordam xizmati o‘z tvitterida ma'lum qildi.
"San-Xaver munitsipalitetidan uncha uzoq bo‘lmagan Mar Menor sohiliga Ispaniya harbiy-havo kuchlariga qarashli samolyot qulab tushgani haqida o‘nlab qo‘ng‘iroqlar bo‘ldi", - deyiladi xabarda.
Voqea joyiga qutqaruv xizmati xodimlari jo‘nab ketgan.
Samolyot bortida necha kishi bo‘lgani haqida ma'lumot yo‘q. Mahalliy Verdad gazetasining yozishicha, samolyot harbiy-dengiz kuchlari akademiyasiga tegishli bo‘lgan.