10:51 / 12.01.2020
0
8447

Eron general Sulaymoniy o‘ldirilgan kunni Xalqaro qarshilik ko‘rsatish kuni deb e'lon qildi 

Foto: REUTERS

Eron hukumati “Al-Quds” maxsus bo‘linmasi qo‘mondoni, general Qosim Sulaymoniy o‘ldirilgan kun – 3 yanvarni uning xotirasiga Xalqaro qarshilik ko‘rsatish kuni deb e'lon qildi. Bu haqda Eronning IRNA axborot agentligi xabar berdi.  

Eronning madaniy inqilob ishlari bo‘yicha oliy kengashi kotibi Said Rizo Omaliyning ta'kidlashicha, mamlakat taqvimiga ushbu sananing kiritilishi haqidagi farmonni mamlakat prezidenti Hasan Ruhoniy imzolagan.          

Shuningdek, qurbonlari xotirasiga general Sulaymoniy nomi bilan ataluvchi xalqaro mukofot - World Sacrifice Award ta'sis etiladi. 
 
Qosim Sulaymoniy 3 yanvarga o‘tar kechasi Bag‘dod aeroporti yaqinida AQSh harbiylari zarbasi bilan o‘ldirilgandi. Eron bunga javoban AQShning Iroqdagi ikkita harbiy bazasini raketa bilan o‘qqa tutgan. 

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top