09:58 / 15.01.2020
0
21392
Tramp AQSh Erondagi tuzumni o‘zgartirishga intilmayotganini aytdi
Foto: REUTERS

AQSh prezidenti Donald Tramp Viskonsin shtatida tarafdorlari oldidagi nutqida AQSh o‘z oldiga Erondagi tuzumni o‘zgartirishni maqsad qilib qo‘ymagani, biroq ushbu mamlakatdagi namoyishlar ortidan sinchkovlik bilan kuzatayotganini aytdi. 

“Shu onlarda eronliklar avval kuzatilmagan ko‘p sonda ko‘chalarga chiqdilar. Ular tuzum qatag‘onlariga qarshi norozilik bildirishmoqda va yaxshiroq kelajakni talab qilishmoqda, buyuk insonlar. Xalq Eron o‘lim, zo‘ravonlik va urush urug‘ini sochish uchun uni talayotganini ko‘rishdan charchagan”, deb aytgan Tramp o‘z nutqida.  

“Men Eron hukumatini zo‘ravonlikka yo‘l qo‘ymaslik yoki biror namoyishchini o‘ldirmaslikdan ogohlantiraman, butun dunyo sizni kuzatmoqda. Biz Eron xalqini ozodlik uchun kurashida qo‘llab-quvvatlaymiz. Aqlbovar qilmas hodisa yuz bermoqda”, deb qo‘shimcha qilgan AQSh prezidenti. Uning ta'kidlashicha, minglab namoyishchilar Eron hukumatining jabr-zulmi qurboniga aylangan. 

2019 yil noyabrda Eronda benzin narxi oshishiga qarshi ommaviy noroziliklar bo‘lib o‘tgandi. Oxirgi kunlarda Eronda 8 yanvarda Ukrainaning yo‘lovchi samolyoti eronlik harbiylar tomonidan yanglish tarzda urib tushirilgani bilan bog‘liq norozilik namoyishlari o‘tmoqda.   

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top