15:18 / 03.11.2020
3330
Samarqand va Jizzaxda qurilish bosh boshqarmasiga yangi rahbarlar tayinlandi

Vazirlar Mahkamasining 2020 yil 2 noyabr kungi 682-son qarori bilan qurilish sohasida yangi tayinlovlar amalga oshirildi.

Ma'lum qilinishicha, Laziz Zohidovich Hamidov Samarqand viloyati qurilish bosh boshqarmasining boshlig‘i etib tayinlandi.

Shu munosabat bilan Bahrom Aminovich Nazarov ushbu lavozimidan ozod qilindi. U 2018 yil mayidan buyon shu lavozimda ishlab kelayotgandi.

Shuningdek, Mahmud Pardaboyevich Tursunov Jizzax viloyati qurilish bosh boshqarmasining boshlig‘i etib tayinlandi.

Shu munosabat bilan 2018 yil avgustidan buyon ushbu lavozimda ishlab kelgan Ergash Nurmurzayevich Qo‘ldoshev lavozimidan ozod qilindi.

Top