Joriy yilning 5 noyabr kuni ilgari faoliyatiga barham berilgan Daraxtli-1 qudug‘ida mukammal ta'mirlash ishlari yakunlanib, GRP amaliyoti o‘tkazilishi natijasida undan olinayotgan kunlik miqdor 150-200 ming kub.m gaz va 10 tn neftni tashkil etdi.
«Daraxtli» konidagi mavjud uglevodorodlarning S1 va S2 toifalariga muvofiq tasdiqlangan zaxiralarining umumiy hajmi 2,5 mlrd kub.m dan ziyod tabiiy gaz, 127 ming tn kondensat hamda 29 ming tn neftdan iboratdir.
Yaqin orada, ya'ni joriy yilning 7 noyabrigacha mamlakat aholisiga gaz yetkazib berish uchun quduqni asosiy gaz yetkazish quvuriga ulash amalga oshiriladi.
Barcha ishlar sanitariya-epidemiologiya va ekologiya talablariga rioya qilingan holda bajarilmoqda.
Epsilon Matbuot xizmati
