08:41 / 06.11.2020
5516
O‘zbekistonda talabalar uchun internet trafigi sarflanmaydigan maxsus platforma ishlab chiqish taklif qilindi

Talabalarning masofaviy darslarda foydalanishlari uchun internet tarmog‘ida internet trafigi sarflanmaydigan maxsus platforma ishlab chiqish taklif qilindi. “Mening fikrim” jamoaviy murojaatlar portalida tegishli petitsiya joylashtirilgan.

Foto: Shutterstock

Qayd etilishicha, hozirgi murakkab sharoitda oliy ta'lim tizimi masofaviy tarzda amalga oshirilmoqda. Lekin internet tezligi pastligi va internet trafiklarning qimmatligi talabalar, ularning ota-onalari va o‘qituvchilarga moddiy qiyinchiliklarni tug‘dirmoqda. 

“Oliy va o‘rta maxsus ta'lim vazirligi tomonidan talabalar uchun internet tarmog‘ida trafik sarflanmaydigan maxsus platforma tashkil etilishi kerak. Maxsus platformaning yaratilishi talabalarga qulayliklarni yaratib, masofaviy darslarda uzluksiz ishtirok etish imkoniyatini bergan bo‘lar edi”, - deb yozadi murojaat muallifi.

Yuqoridagilarni inobatga olgan holda, talabalarning masofaviy darslarda foydalanishi uchun internet tarmog‘ida internet trafigi sarflanmaydigan maxsus platformani ishlab chiqish taklif qilingan.

Top