20:06 / 15.01.2021
5626
Erdo‘g‘an Turkiya Rossiya bilan S-400 tizimlarining ikkinchi polkini olish masalasini muhokama qilishini aytdi

11 yanvar kuni Turkiya mudofaa sanoati kotibiyati rahbari Ismoil Demir Rossiyaning S-400 zenit-raketa tizimlari foydalanishga tayyor holga keltirilganini ma'lum qilgandi.

Foto: AFP/Getty Images

Turkiya prezidenti Rajab Toyyib Erdo‘g‘an Anqara yanvar oxirida Moskva bilan S-400 zenit-raketa tizimining ikkinchi polkini olish masalasini muhokama qilishini aytdi.

"S-400 tizimining birinchi polkini yetkazib berish bo‘yicha ishlarni yakunladik, hozirda Rossiya bilan ikkinchi polk bo‘yicha muloqotimiz davom etmoqda. Yanvar oxirida bu mavzuda muzokaralar bo‘lib o‘tadi", - dedi u.

Erdo‘g‘an shuningdek, AQShning beshinchi avlod F-35 qiruvchi samolyotlari borasida Turkiyaga nisbatan yondashuvini xato deb atadi. U saylangan prezident Jozef Bayden ma'muriyati bu xatoni to‘g‘rilashiga umid bildirdi.

11 yanvar kuni Turkiya mudofaa sanoati kotibiyati rahbari Ismoil Demir Rossiyaning S-400 zenit-raketa tizimlari foydalanishga tayyor holga keltirilganini ma'lum qilgandi.

Turkiya va AQSh o‘rtasidagi munosabatlarda sovuqchilik tushishiga sabab bo‘lgan S-400 tizimlari Turkiyaga 2019 yil iyuldan boshlab yetkazilgandi.

Vashington Anqaraga ushbu bitimdan voz kechishni va Turkiyaga F-35 qiruvchi samolyotlari sotishni bekor qilish va sanksiyalar kiritish bilan tahdid qilib, S-400 o‘rniga AQShning Patriot majmualarini sotib olishni taklif qilgandi.

Top