09:03 / 24.05.2021
11427

Parkent tumanida baland tog‘ga chiqib, bedarak yo‘qolgan yigit topildi

Foto: FVV matbuot xizmati

Toshkent viloyati Parkent tumanida baland tog‘likka ko‘tarilib, bedarak yo‘qolgan yigit topildi. Bu haqda FVV matbuot xizmati xabar berdi.

Joriy yilning 22 may kuni 10 kishidan iborat yigitlar Parkent tumanidagi Kumushkon tog‘iga dam olishga chiqqan. Balandlikka ko‘tarilishganida birdan kuchli yomg‘ir yog‘a boshlagani sababli tezda tog‘dan tushgan.

Biroq yigitlar pastga tushganida sheriklaridan biri qolib ketganini bilib, uni qidirgan. Shu maqsadda viloyat Favqulodda vaziyatlar boshqarmasi qidiruv-qutqaruv guruhidan yordam so‘rashgan.

Uch soatlik qidiruv jarayonida bedarak yo‘qolgan yigit sog‘-omon topilgan.

Top