Vazirlar Mahkamasida kotibiyat mudiri tayinlandi. Bu haqda O‘zA xabar bermoqda.
«O‘zbekiston Respublikasi Vazirlar Mahkamasi faoliyatini takomillashtirishga oid qo‘shimcha chora-tadbirlar to‘g‘risida»gi prezident qarori hamda «O‘zbekiston Respublikasi Vazirlar Mahkamasi apparatining tarkibiy bo‘linmalari tuzilmasini tasdiqlash to‘g‘risida»gi Vazirlar Mahkamasi qaroriga muvofiq, Vazirlar Mahkamasi ijro etuvchi tuzilmasi tarkibida tayinlov amalga oshirildi.
Unga ko‘ra, Obidjon Qudratov O‘zbekiston Respublikasi Vazirlar Mahkamasi Turizm, sport, madaniyat va ommaviy kommunikatsiyalar masalalari kotibiyatining mudiri lavozimga tayinlandi.
O.Qudratov Vazirlar Mahkamasining Sport va turizmni rivojlantirish masalalari kotibiyati mudiri bo‘lib ishlagan.
