Surxondaryo viloyati Sherobod tumanida ikki kishining o‘zaro janjali pichoqlashish bilan yakun topgan. Oqibatda ulardan biri hayot uchun xavfli bo‘lgan tan jarohati olgan. Bu haqda viloyat IIB xabar bermoqda.
Ma'lum qilinishicha, 2021 yil 27 avgust kuni soat 22:00 larda, Sherobod tumanining Mehnatobod mahallasida yashovchi, K.To‘ra mahalladoshi, O.Soatmurod bilan o‘zaro tortishib, janjallashib qolishgan.
Janjal vaqtida K.To‘ra qo‘lida bo‘lgan oshxona pichog‘ini O.Soatmurodning biqin sohasiga bir marotaba sanchib olib, hayot uchun xavfli bo‘lgan og‘ir tan jarohati yetkazgan.
Qayd etilishicha, 28 avgust kuni K.To‘raga nisbatan Jinoyat kodeksining 104-moddasi 2-qismi «l» bandi bilan jinoyat ishi qo‘zg‘atilgan. Hozirda tergov-surishtiruv harakatlari olib borilmoqda.
