12:11 / 19.09.2021
7782
4ta davlatda bolalar orasida yangi respirator virus tarqalishi qayd etildi

4ta davlat – AQSh, Britaniya, Yaponiya va Shveytsariyada bolalar orasida kam o‘rganilgan respirator-sinsitial virusning (RSV) ommaviy tarqalishi qayd etildi.

Nyu-York shifoxonalaridan birining bolalar yuqumli kasalliklari bo‘limi boshlig‘i Robiya Aganing ta'kidlashicha, chaqaloqlar va kichik yoshli bolalarning RSV bilan kasallanish holatlari apreldayoq qayd qilingan. Shu sababli intensiv davolash bo‘limlari bemor bolalar bilan to‘lib-toshgan.

Olimlarning ta'kidlashicha, koronavirus pandemiyasi RSV tarqalishiga ta'sir ko‘rsatgan, chunki karantin cheklovlari sababli bolalarda ushbu virusga qarshi immunitet hosil bo‘lmagan. Karantin yumshatilgandan keyin esa uning avj olishi yuz bergan.

AQShning kasalliklarni nazorat qilish va oldini olish markazi ma'lumotlariga ko‘ra, ushbu virusga chalingan aksariyat bolalarda kasallik shamollash kabi tumov va yo‘tal bilan yengil shaklda o‘tadi. Biroq u ba'zi holatlarda bronxiolit hamda o‘pkaning pastki bo‘limlari yallig‘lanishiga olib kelishi mumkin.

Mavzuga oid
Top