Telegram’dagi APK fayl tufayli fuqaro 55 mln so‘mdan ayrildi

Ma’lumotlarga ko‘ra, holat yuzasidan o‘tkazilgan tezkor-qidiruv tadbirlari davomida ushbu jinoyatga aloqador bo‘lgan 2005 yilda tug‘ilgan ikki nafar shaxs aniqlangan. Hozirda ular bilan bog‘liq holatlar yuzasidan tegishli protsessual harakatlar olib borilmoqda.

Shuningdek, huquqni muhofaza qiluvchi organlar mazkur sxema orqali boshqa fuqarolar ham jabr ko‘rgan bo‘lishi mumkinligini inobatga olib, qo‘shimcha jabrlanuvchilarni aniqlash bo‘yicha ishlarni davom ettirmoqda.

Mutaxassislar fuqarolarni ehtiyot bo‘lishga chaqirib, noma’lum manbalardan yuborilgan APK fayllarini ochmaslik, telefonga tashqi ilovalarni o‘rnatmaslik va shaxsiy bank ma’lumotlarini himoya qilish muhimligini ta’kidlamoqda.