13:00 / 10.01.2022
2375

Buxoroda qo‘l tormozi tortib qo‘yilmagan Spark kanalga tushib ketdi

Videodan kadr

Buxoroda qo‘l tormozi tortib qo‘yilmagan Spark kanalga tushib ketgan. Bu haqda Favqulodda vaziyatlar vazirligi xabar bermoqda.

Ma’lum qilinishicha, 2022 yil 9 yanvar kuni Buxoro viloyati FVB boshqarmasi navbatchilik xizmatiga Buxoro shahri Talija mahallasi hududidan oqib o‘tuvchi kanalga Spark mashinasi tushib ketgani to‘g‘risida xabar kelgan.

Zudlik bilan voqea joyiga podpolkovnik G‘.Safoyev boshchiligidagi qutqaruv otryadi yetib borgan. Viloyat FVBning maxsus texnikasi va g‘avvoslar, shuningdek, ichki ishlar xodimlari bilan hamkorlikda 30 daqiqa davomida mashina kanaldan olib chiqilgan.

Dastlabki surishtiruvda aniqlanishicha, Spark haydovchisi to‘xtash vaqtida qo‘l tormozini tortishni unutgan va shu sababli mashina kanalga tushib ketgan.

Qayd etilishicha, hodisa oqibatida hech kim jabrlanmagan va halok bo‘lmagan.

Mavzuga oid
Top