00:07 / 01.03.2022
21938
UYeFA «Gazprom» bilan kelishuvni bekor qilganini e’lon qildi
Foto: Chempionat

UYeFA Ukrainadagi voqealar ortidan Rossiyaning yirik kompaniyasi «Gazprom» bilan hamkorlik kelishuvini bekor qilganini rasman e’lon qildi.

Tashkilot bugun, 28 fevral kungi yig‘ilishda «Gazprom» bilan barcha turnirlardagi kelishuvi va homiylik shartnomalarini bekor qilganini ma’lum qilgan. Qaror zudlik bilan kuchga kiradi.

Shu tariqa, UYeFA «Gazprom» bilan Chempionlar ligasi, milliy jamoalar ishtirokidagi saralash bosqich bahslari va Yevro-2024 o‘yinlari doirasidagi hamkorlikni to‘xtatdi.

Avvalroq, FIFA va UYeFA Rossiyaning Ukrainadagi harbiy harakatlari sababli mamlakat milliy jamoalari hamda klublarini barcha xalqaro futbol turnirlaridan chetlatganini e’lon qilgandi.

Eslatib o‘tamiz, UYeFA va Rossiyaning yirik energetika kompaniyasi o‘rtasidagi shartnoma 2021 yilning may oyida uzaytirilib, unga ko‘ra Yevropa futbol ittifoqi «Gazprom» bilan hamkorlikdan yiliga 40 million yevrogacha daromad topishi aytilgandi.

Mavzu
Ukraina inqirozi
2021 yil davomida Rossiya Ukraina bilan chegarada qo‘shin to‘pladi. So‘nggi vaqtlarda mintaqada vaziyat keskinlashmoqda.
Barchasi
Mavzuga oid
Top