21:26 / 09.03.2022
12288
Samarqand viloyatida bir nechta tuman va shahar IIBga yangi boshliqlar tayinlandi

Narpay, Samarqand, Oqdaryo tumanlari hamda Samarqand shahar IIBlariga yangi rahbarlar tayinlangan. Bu haqda viloyat IIb axborot xizmati xabar bermoqda.

Foto: IIB axborot xizmati

2022 yil 9 mart kuni Samarqand viloyati IIB boshlig‘i polkovnik Rahmat Mamatov viloyatdagi jinoyat va huquqbuzarliklarning ahvoli, shaxsiy tarkib o‘rtasidagi xizmat intizomi hamda qonunchilikka rioya qilish masalalariga bag‘ishlangan yig‘ilish o‘tkazgan.

Foto: IIB axborot xizmati

Yig‘ilishda viloyatdagi bir nechta tumanlar va Samarqand shahar IIBga tayinlangan yangi boshliqlar tanishtirilgan.

Jumladan, ichki ishlar vazirining tegishli buyrug‘i bilan:

  • Bahodir Rahmatov Narpay tuman IIB boshlig‘i;
  • Anvarjon Rahmatov Samarqand tumani IIB boshlig‘i;
  • Abror Valiyev Oqdaryo tumani IIB boshlig‘i;
  • Ismatjon Ibragimov Samarqand shahar bo‘yicha IIO FMB boshlig‘i lavozimiga tayinlangan.
Foto: IIB axborot xizmati

Yig‘ilishda shuningdek, hududdagi kriminogen vaziyat, xodimlar tomonidan xizmatda yo‘l qo‘yilayotgan kamchiliklar tanqidiy muhokama qilinib, amalga oshirilishi lozim bo‘lgan vazifalar belgilangan.

Mavzuga oid
Top