Uzbekistan Airways Toshkent – Dehli – Toshkent xalqaro yo‘nalishi bo‘yicha qatnovlar soni oshirilayotgani haqida xabar berdi.
Qayd etilishicha, ayni paytda aviaqatnovlar seshanba va juma kunlari muntazam amalga oshirilmoqda.
Aviakompaniya xabariga ko‘ra, 17 apreldan boshlab parvozlar yakshanba kunlari, 4 maydan esa chorshanba kunlari ham amalga oshiriladi.
Aviachiptalarni www.uzairways.com rasmiy saytida, Uzbekistan Airways Sales filialida va aviakompaniyaning agentlaridan xarid qilish mumkin.
Bundan avval Uzbekistan Airways Namangan – Olmaota yo‘nalishi bo‘yicha muntazam parvozlarni yo‘lga qo‘yishi xabar berilgandi.