Qoʻshimcha funksionallar
-
Tungi ko‘rinish
Eron havo hududi yopilishi: Uzbekistan Airways, Jazeera va Fly One Asia reyslari yo‘nalishini o‘zgartirdi
Eron havo hududi yopilgani sababli bir qator xalqaro aviareyslar yo‘nalishini o‘zgartirib, jo‘nab ketgan aeroportlariga qaytishga majbur bo‘ldi. Xususan, O‘zbekiston va mintaqa aeroportlariga bog‘liq bir nechta reyslar ortga qaytgan.
Foto: Kun.uz
Ma’lum qilinishicha, Fly One Asia aviakompaniyasining 7Q7742 reysi (Madina – Toshkent) Madina aeroportiga qaytgan. Shuningdek, ushbu aviakompaniyaning 7Q4442 reysi (Madina – Farg‘ona) ham Madina aeroportiga qaytib kelgan.
Jazeera Airways aviakompaniyasining J9650 reysi (Toshkent – Quvayt) Toshkentdan mahalliy vaqt bilan 02:01 da uchib chiqqan bo‘lsa-da, yana Toshkent aeroportiga qaytgani bildirildi.
Bundan tashqari, Sam Air aviakompaniyasining 9C3303 reysi (Samarqand – Jidda) Samarqanddan mahalliy vaqt bilan 02:04 da havoga ko‘tarilib, keyin Samarqand aeroportiga qaytib kelgan.
Fly Khiva aviakompaniyasining 2U7911 reysi (Urganch – Madina) esa Urganchdan mahalliy vaqt bilan soat 02:17 da uchib chiqib, yana Urganch aeroportiga qaytgan.
Shuningdek, Uzbekistan Airways aviakompaniyasining HY336 reysi (Jidda – Toshkent) ham Eron havo hududi yopilgani sababli Jidda aeroportiga qaytishga majbur bo‘lgan.
Aviakompaniyalar va aeroportlar xizmatlari yo‘lovchilarga parvozlar bo‘yicha yangilangan ma’lumotlarni aviakompaniya rasmiy kanallari hamda aeroport ma’lumot xizmatlari orqali tekshirib borishni tavsiya etadi.
