22:10 / 26.04.2022
22332
Guterrishning Putin bilan uchrashuvi bir soatga yaqin davom etdi 

Guterrish Putin bilan uchrashuvdan oldin Rossiya tashqi ishlar vaziri Sergey Lavrov bilan uchrashgan. U 28 aprel kuni Ukraina prezidenti Vladimir Zelenskiy bilan uchrashuv o‘tkazadi.

Foto: RIA Novosti

BMT bosh kotibi Antoniu Guterrishning Rossiya prezidenti Vladimir Putin bilan uchrashuvi bir soatga yaqin davom etdi. Bu haqda bosh kotibning vakili o‘rinbosari Farxon Haq ma’lum qildi. 

"Bugun bosh kotib Moskvada RF prezidenti Vladimir Putin bilan uchrashuv o‘tkazdi", - dedi u.

Uning bildirishicha, uchrashuv bir soatga yaqin davom etgan. 

"Uchrashuvning davomiyligi bir soatga yaqin bo‘ldi, uning bir qismi delegatsiyalar ishtirokida, bir qismi yuzma-yuz o‘tkazildi", - deya qo‘shimcha qildi Haq. 

Guterrish Putin bilan uchrashuvdan oldin Rossiya tashqi ishlar vaziri Sergey Lavrov bilan uchrashgan. 

Antoniu Guterrish 28 aprel kuni Ukraina prezidenti Vladimir Zelenskiy bilan uchrashuv o‘tkazadi.

Mavzuga oid
Top