Agrobank O‘zbekistonda munosib ish beruvchilarni mahalliy, davlat va xalqaro toifalarda aniqlash maqsadida o‘tkaziladigan “DaVinchi mukofoti- 2022” tanlovida “Eng yaxshi o‘quv markazi” nominatsiyasi bo‘yicha g‘olib bo‘ldi.
25 noyabr kuni Toshkentda “Davinchi Management Consulting” kompaniyasi tomonidan HR sohasida O‘zbekistonda munosib ish beruvchilarni mahalliy, davlat va xalqaro toifalarda aniqlash maqsadida o‘tkaziladigan “DaVinchi mukofoti- 2022” tanlovining taqdirlash marosimi bo‘lib o‘tdi.
Tanlovda Agrobank tomonidan olib borilayotgan transformatsiya jarayonlari e’tirof etildi. Jumladan, bankni transformatsiya jarayonida xorijiy nufuzli kompaniyalar bilan birgalikda tavakkalchiliklarni boshqarish tizimi, skoring modelining dastlabki bosqichi yo‘lga qo‘yilgan edi.
Bank faoliyatida transformatsiya hamda HR yo‘nalishidagi amaliy ishlari mazkur yo‘nalishda yuqori baholanib, “Eng yaxshi o‘quv markazi” nominatsiyasi bo‘yicha g‘olib bo‘ldi.
“Agrobank” ATB Matbuot xizmatiⓉ
