AUDI haydovchisi mashina oldiga yugurib chiqqan ikki nafar piyodani urib yuborgan.
Foto: IIB YHXB axborot xizmati
Samarqand tumanida sodir bo‘lgan yo‘l-transport hodisasida ikki nafar piyoda vafot etgan. Bu haqda viloyat IIB YHXB axborot xizmati xabar bermoqda.
Hodisa 2023 yil 1 yanvar kuni soat 21:30 larda Samarqand tumani Usta Umar Jo‘raqulov ko‘chasida sodir bo‘lgan.
AUDI haydovchisi mashina oldiga yugurib chiqqan ikki nafar piyodani urib yuborgan. Oqibatda, og‘ir tan jarohati olgan piyodalar vafot etgan.
Holat yuzasidan Samarqand tumani IIB huzuridagi tergov bo‘limi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.
Qayd etilishicha, gumonlanuvchi protsessual tartibda ushlangan. Hozirda dastlabki tergov harakatlari olib borilmoqda.
