“Zo‘ravonlikka uchrasangiz, 1146 qisqa raqamiga murojaat qiling” - Ra’no Turdiboyeva
“Men hech kimga kerak emasman” degan fikrdan yiroq bo‘ling”, deya zo‘ravonlikka uchragan ayollarga murojaat qildi Oila va xotin-qizlar qo‘mitasi raisi o‘rinbosari Ra’no Turdiboyeva. Kun.uz muxbiri ayollar reabilitatsiya markazining qisqa raqami haqida xotin-qizlarni xabardor qilish uchun ommaviy SMS xabarnoma tarqatishni taklif qildi.
O‘zbekistonda zo‘ravonlikka uchragan ayollar 1146 qisqa raqamlari orqali reabilitatsiya markazlariga bog‘lanishlari yoki mahalladagi xotin-qizlar faollariga murojaat qilishlari mumkin. Bu haqda Oila va xotin-qizlar qo‘mitasi raisi o‘rinbosari Ra’no Turdiboyeva Kun.uz'dagi podkastda aytib o‘tdi.
“Keng jamoatchilikka yetib borishi uchun aytib o‘tmoqchiman. Hurmatli ayollar, “men hech kimga kerak emasman” degan fikrdan chetda bo‘ling, sizning murojaat qiladigan joyingiz bor. 1146 qisqa raqami orqali reabilitatsiya markazlariga murojaat qilishingiz mumkin. Agar buning iloji bo‘lmasa, ya’ni ayolda shaxsiy telefon bo‘lmaganda mahalla xotin-qizlar faollariga aytishsin.
Ayol eri tomonidan zo‘ravonlikka uchrashi mumkin bo‘lgan vaziyatda ularga yordam berishning imkoni bor – ular chorasiz emas. Faqat shu murojaat qilish mumkinligini bilishlari kerak”, – dedi Turdiboyeva.
Respublikaning hamma hududlaridagi ayollar ham bunday raqam borligidan xabardor emas. Kun.uz jurnalisti ularni xabardor qilish uchun mobil kompaniyalar tomonidan SMS-xabarnomalar yuborish samarali yo‘l hisoblanishini aytdi.
“Bugun deyarli hammada mobil telefon bor. Mobil kompaniyalar faoliyatidan foydalanamiz. Oila va xotin-qizlar qo‘mitasi shunday kompaniyalar bilan hamkorlikda har bir ayolga SMS-xabarnoma shaklida 1146 raqami borligi, ruhiy, jismoniy, jinsiy zo‘ravonliklarga uchraganda shu raqam orqali murojaat qilishi mumkinligi haqida ma’lumot berishi kerak.
Agar murojaat qilish imkoni bo‘lmaganda mahalla faollariga murojaat qilish mumkinligi haqida haftada bir marta xabar berilishi kerak. Bu juda oson va arzon usul hisoblanadi. Chunki ayollar qayerdan yordam olishni bilmasdan, taqdirga tan berib, barcha stresslarni ichga yutadi. Oqibatda esa bu alamlarini bolalaridan oladi, bundan bolalar zarar ko‘radi. Shu taxlit tarbiyalangan bola ertaga ota-ona bo‘ladi va undan ham xuddi shunday natija kutiladi”, – dedi jurnalist Gulmira Toshniyozova.
Qo‘mita raisi o‘rinbosari bu masalaga mablag‘ ajratish ko‘rib chiqilishini aytdi.
Tavsiya etamiz
Oshadigan nafaqalar, joriy etilayotgan eskrou tizimi va sog‘liqni saqlash sohasida yangi model – 1 iyuldan nimalar o‘zgaradi?
O‘zbekiston | 11:14 / 28.06.2025
Kredit olishga taqiq va Freeze xizmati: ularning farqi nima?
Jamiyat | 09:02 / 26.06.2025
Imtihon yaqin: bu yil abituriyentlarni nimalar kutyapti? – eng muhim savollarga rasmiylardan javoblar
O‘zbekiston | 12:11 / 25.06.2025
Eronning amaldagi siyosiy tizimi. U qanday paydo bo‘lgandi?
Jahon | 19:30 / 24.06.2025
So‘nggi yangiliklar
-
Ozarboyjon Rossiyani ikki ozarboyjonlikni o‘ldirganlikda aybladi va tergov talab qildi
Jahon | 23:45 / 28.06.2025
-
Toshkentning Sergeli tumanidagi to‘yxonada yong‘in chiqdi
Jamiyat | 23:10 / 28.06.2025
-
Isroil Eronni jilovlash bo‘yicha yanada keskin siyosat boshlanganini e’lon qildi
Jahon | 23:02 / 28.06.2025
-
Rossiya bosqiniga 160 yil, pensiya yoshini oshirish taklifi va administratsiyada o‘zgarishlar - hafta dayjesti
O‘zbekiston | 23:00 / 28.06.2025
Mavzuga oid

10:23 / 20.06.2025
XMT: Haitida 1,3 mlnga yaqin kishi to‘dalar zo‘ravonligi tufayli uyini tark etdi

08:50 / 21.05.2025
4 oyda zo‘ravonlikka uchragan 2 mingdan ortiq xotin-qizga yordam ko‘rsatildi

18:08 / 10.05.2025
Hindistonlik o‘qituvchilarga maktabda xivich bilan yurishga ruxsat berildi

13:51 / 30.04.2025