18:23 / 28.01.2023
9296

Qirg‘izistonda ta’lim olayotgan o‘zbekistonliklar soni 37 mingdan oshdi

Ularning aksariyati O‘sh shahridagi ta’lim dargohlarida o‘qimoqda. 

Foto: RIA Novosti

Qirg‘iziston oliy o‘quv yurtlarida 37 mingdan ortiq O‘zbekiston fuqarosi ta’lim olmoqda. Bu haqda Qirg‘iziston Ta’lim va fan vazirligiga tayanib 24.kg xabar berdi.

Qayd qilinishicha, eng ko‘p o‘zbekistonlik talabalar O‘sh davlat universiteti (12 ming 280 kishi), M.Adishev nomidagi O‘sh texnologiya universiteti (10 ming 136), Qirg‘iz-O‘zbek universiteti (6 ming 229) va Botken davlat universitetida (3 ming 326 nafar) ta’lim olmoqda.

Boshqarmaning qo‘shimcha qilishicha, O‘zbekiston hududida istiqomat qiluvchi qirg‘izlar uchun har yili Qirg‘iziston oliy o‘quv yurtlarida budjet o‘rinlari ajratiladi.

«2022-2023 o‘quv yili uchun kirish imtihonlari natijalariga ko‘ra 25 nafar qirg‘iz millatiga mansub O‘zbekiston fuqarosi Qirg‘iziston Respublikasidagi oliy o‘quv yurtlariga o‘qishga kirish uchun tavsiya etildi», deb qo‘shimcha qildi vazirlik.

Top