Litva O‘zbekistonga Orolbo‘yi mintaqasi uchun COVID-19'ga qarshi vaksinalarni topshiradi.
Litva hukumati insonparvarlik yordami sifatida Xo‘jayli tumani (Qoraqalpog‘iston Respublikasi) aholisi uchun COVID-19 infeksiyasiga qarshi vaksinalarni taqdim etdi.
O‘zbekistonning Riga shahridagi elchixonasi ma’lumotiga ko‘ra, aksiya doirasida 608 ming doza Pfizer-BioNTech (Omicron BA.4-5) va 78 ming doza Johnson&Johnson (Jcovden) vaksinalari berildi.
Yordam yukining taxminiy qiymati 13 million yevroni tashkil qiladi.
Bundan tashqari, 14 may kuni Litva havo yo‘llari samolyoti bortida O‘zbekistonga vaksinalar bepul yetkazib beriladi.