14:59 / 07.06.2023
16113

Toshkentdan Chorvoqqa avtobus qatnovi yo‘lga qo‘yildi

Ushbu yo‘nalishda yo‘lkira narxi 15 000 so‘m etib belgilangan.

Videodan kadr

Poytaxtdan Toshkent viloyatining Bo‘stonliq tumaniga («Chorvoq» erkin turistik zonasiga) grafik asosida qatnovchi avtobuslar harakati yo‘lga qo‘yildi.

Transport vazirligi xabariga ko‘ra, avtobuslar «Mashinasozlar metro bekati – Chorvoq» yo‘nalishida har kuni uchta grafik asosida harakatlanadi. Qatnov masofasi 75 km bo‘lgan yo‘nalishda yo‘lovchilar belgilangan manzilga 1 soat 10 daqiqada yetib boradi.

Avtobuslar Mashinasozlar metro bekatidan soat 7:00, 13:00 va 18:00 da jo‘naydi. Chorvoqdan esa 6:00, 11:00 va 16:00 harakatlanadi.

Qatnovlar «Yutong» korxonasining avtobuslarida amalga oshirilmoqda. Ushbu yo‘nalishda yo‘lkira narxi 15 000 so‘m etib belgilangan.

Top