O‘zbekiston hududlarida ichimlik suvi narxini oshirish boshlandi

O‘zbekiston hududlarida sovuq suv ta’minoti va oqova suv xizmatlari uchun tariflar oshishi haqida xabar berila boshlandi.

«O‘zsuvta’minot» kompaniyasi ma’lumotlariga ko‘ra, 20 avgustdan boshlab Toshkent viloyatida tariflar oshiriladi. Yangi narxlar xalq deputatlari viloyat kengashining 19 iyuldagi qarori bilan tasdiqlangan.

«Toshkent suv ta’minoti» korxonasi abonentlari uchun bir kubometr suv tarifi 950 so‘mdan 1700 so‘mga (QQSsiz), budjet va ulgurji savdo tashkilotlari uchun 4000 so‘mdan 7000 so‘mgacha oshiriladi.

Aholi uchun oqova suv xizmatlari tarifi 1 kubometr uchun 700 so‘mdan 850 so‘mga (QQSsiz), budjet va viloyat tashkilotlari uchun 1300 so‘mdan 1850 so‘mga oshirildi.

Shunga ko‘ra, Toshkent viloyatida faoliyat yurituvchi «Chimyon-Chorbog‘ suv ta’minoti» va «Musaffo obi hayot» korxonalari abonentlari uchun tariflar oshirilmoqda.

Avvalroq «Surxondaryo suv ta’minoti» korxonasi Surxondaryo viloyatida 1 avgustdan tariflar oshirilishini ma’lum qilgan. Aholiga suv uchun tariflar 1 kubometrga 1150 so‘mdan 2140 so‘mga, kanalizatsiya uchun esa 650 so‘mdan 950 so‘mga ko‘tarilgan (QQSsiz).

1 avgustdan Qashqadaryo viloyatida ham tariflar oshiriladi - suv uchun 1000 so‘mdan 2000 so‘mga va kanalizatsiya uchun 950 so‘mdan 1000 so‘mgacha.

Toshkent shahrida hozircha tariflar oshishi haqida xabar berilmagan.