Toshkentda issiq va ichimlik suvni hisobga olish bo‘yicha «aqlli» asboblar o‘rnatiladi

Toshkentda kvartiralar ichiga issiq va ichimlik suvni hisobga olish smart-asboblar o‘rnatish dasturi ishlab chiqiladi. Bu haqda Vazirlar Mahkamasining «Toshkent shahrining uy-joy kommunal infratuzilmasini boshqarishni takomillashtirish bo‘yicha qo‘shimcha chora-tadbirlar to‘g‘risida»gi qarori ilovasida aytilgan.

Hujjatga ko‘ra kommunal xizmatlar yagona billing tizimini ishlab chiqish uchun texnik talablar ishlab chiqiladi va topshiriq belgilanadi. 

Shuningdek, 2020-2022 yillarda kvartiralar ichiga issiq va ichimlik suvni hisobga olish smart-asboblar o‘rnatish dasturi 2019 yil 1 avgustgacha bo‘lgan muddatda ishlab chiqiladi va O‘zbekiston Respublikasi Vazirlar Mahkamasiga kiritiladi.

Ijro muddati - 2019 yil 1 aprelgacha, mas'ullar - Toshkent shahar hokimligi, Uy-joy kommunal xizmat ko‘rsatish vazirligi, Investitsiyalar davlat qo‘mitasi, “O‘zbekenergo” AJ, “O‘ztransgaz” AJ.

Eslatib o‘tamiz, avvalroq Yunusobod tumanida ko‘p kvartirali uy-joy fondi professional boshqaruv kompaniyalari tomonidan boshqarilishi xabar berilgandi.