Қўшимча функционаллар
-
Тунги кўриниш
ССВ: Британча штамм илк бор қайд этилган бемор 12 кунда тузалиб чиққан
Ўзбекистонда коронавируснинг британча штамми илк марта 10 ёшли болада аниқланганди. Маълум бўлишича, қизчада касаллик оғир кечмаган ва асоратлар қолдирмаган. 12 кунлик даволанишдан сўнг шифохонадан уйига жавоб берилган.
Ўзбекистонда коронавируснинг британча штамми қайд этилгани ҳақида 30 январь куни хабар қилинганди. Янги штамм 23 январда оила аъзолари билан БААдан Тошкентга қайтган 10 ёшли қизда аниқланганди.
Kun.uz мухбири беморнинг бугунги кундаги ҳолати ҳақида маълумот олиш учун Соғлиқни сақлаш вазирлиги Жамоатчилик билан алоқалар бўлими раҳбари Фурқат Санаев билан боғланди.
«Коронавируснинг британча штамми бизнинг ҳудудимизда илк бор қайд этилган 10 ёшли қиз БААнинг Дубай шаҳридан келган ва жорий йилнинг 23 январида госпитализация қилинганди.
Бемор ўз вақтида ва белгиланган стандартлар бўйича тўлақонли даволанди. Касаллик оғир кечмади, асоратлар қолдирмади ва ҳозирги кунда бемор соғайиб, 5 февралда уйига жавоб берилган. Яъни 12 кун давомида даволаш ва кузатувда бўлган.
Қайта текширувлар натижасида унда вирус аниқланмаган», – деди Фурқат Санаев.
Эслатиб ўтамиз, коронавируснинг нисбатан хавфлироқ экани айтилаётган янги штамми мамлакатга кириб келишининг олдини олиш учун бу штамм кенг тарқалган Буюк Британия, Италия, Дания, Австрия, Австралия, Нидерландия ва ЖАР давлатларидан Ўзбекистонга кириш ва чиқиш тақиқланган. Ўтган ҳафта Германия бу рўйхатдан чиқарилди.
«Британча штамм аэропортдаёқ жиловлангани – ютуғимиз», – деганди Коронавирусга қарши кураш штаби аъзоси Нурмат Отабеков брифинглардан бирида.
Коронавирус Ўзбекистонда
Мавзуга оид
10:06 / 16.02.2023
Ковиддан кейинги синдром бир неча ой ичида ўзини намоён қилиши мумкин — мутахассис
03:31 / 16.02.2023
Коронавируснинг келиб чиқиши бўйича ЖССТ суриштируви тўхтаб қолди
10:02 / 31.01.2023
ЖССТ пандемия тугаганини эълон қилишига айрим ҳудудлардаги вазият тўсқинлик қилмоқда
23:06 / 16.01.2023