Uzbekistan Airways aviakompaniyasi «Toshkent-Frankfurt-Toshkent» yo‘nalishi bo‘yicha muntazam aviaqatnovlar tiklangani haqida e'lon qildi.
Kompaniya matbuot xizmati xabariga ko‘ra, aviaqatnovlar joriy yilning 4- va 18-mart kunlari quyidagi jadval asosida amalga oshiriladi:
Toshkent-Frankfurt uchish - 06:15; qo‘nish - 09:05
Frankfurt-Toshkent uchish - 11:05; qo‘nish - 21:20.
Aviachiptalarni kompaniya veb-saytida, Uzbekistan Airways Sales filiali yoki agentlarning ofislarida sotib olish mumkin.
Eslatib o‘tamiz, Respublika maxsus komissiyasining 2020 yil 21 dekabrdagi qarori asosida Germaniya bilan aviareyslar (kirish, chiqish va tranzit reyslar orqali respublikaga kirish) to‘xtatilgandi. Bu cheklovlar komissiyaning 2021 yil 11 fevraldagi qarori bilan bekor qilindi.
