Шўрчи тумани ҳокими халқ билан ишлай олмагани учун ишдан олинди

Ўзбекистон 19 Июнь 2017 18510

16 июнь куни Сурхондарё вилояти Шўрчи тумани ҳокими Хайбулла Маматқулов эгаллаб турган лавозимидан озод этилди. Бу ҳақда Facebook ижтимоий тармоғидаги Халқ билан мулоқот гуруҳида хабар берилган.

Истеъфонинг асосий сабаблари Хайбулла Маматқулов Ўзбекистон Республикаси президенти томонидан эълон қилинган “Халқ билан мулоқот ва инсон манфаатлари йили”дан кўзланган мақсад ва вазифаларнинг туб моҳиятини етарлича тушуниб етмасдан, туман аҳолиси билан тизимли равишда самарали алоқа ўрнатмагани, фуқароларнинг мурожаатларида кўтарилган масалаларга эътиборсизлик билан қараб келгани ҳамда бу борада ҳокимлик тизимида ишларни лозим даражада ташкил эта олмагани бўлди.

Собиқ ҳоким аҳолини қийнаётган муаммоларни чуқур ўрганиш ва таҳлил қилиш асосида уларни ҳал этиш юзасидан амалий чора-тадбирлар кўрсатиш масаласида жиддий камчиликларга йўл қўйган. Бу борада талабчанлик етишмаслиги, сусткашлик қилиб келгани учун туман фаоллари ва аҳоли орасида Маматқуловнинг фаолиятига нисбатан эътирозлар ортиб борган.

Сурхондарё вилояти ҳокимлиги томонидан Маматқуловга юқорида кўрсатиб ўтилган жиддий камчиликлари учун бир неча бор интизомий чоралар кўрилганди. Лекин у бундан тегишли хулоса чиқармаган ва ҳудуд аҳолиси муаммоларини ҳал этиш юзасидан зарур амалий чоралар кўрмаган.

Хайбулла Маматқулов Шўрчи тумани ҳокими сифатида 2012 йил 6 февралдан буён ишлаб келаётган эди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 16895 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22210 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11293 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12145 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40421 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52885 Жамият
Кун.uz офис изламоқда
15:48 / 06.08.2017 47727 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 409 Жаҳон
Қатар зиёратчиларнинг Саудияга парвозларини блокламоқда
15:35 768 Жаҳон
Кўпроқ янгиликлар