Nemis vaziri favqulodda holatlar uchun konservalangan mahsulotlarni zaxira qilish taklifi bilan chiqdi

Germaniya qishloq xo‘jaligi va oziq-ovqat vaziri Alois Rayner mamlakat favqulodda holatlarga tayyor bo‘lishi uchun oziq-ovqat mahsulotlari zaxirasini ko‘paytirishni taklif qildi. 

Rayner tayyor mahsulotlar, xususan, konservalangan makaronlarni ko‘proq zaxira qilish niyatida ekanligini bildirdi. 

«Men ularni isitiboq yeyish mumkin bo‘lgan tayyor mahsulotlarning milliy zaxirasiga aylantirmoqchiman», — dedi vazir.

Uning so‘zlariga ko‘ra, bu loyihaning qiymati 80-90 mln yevroni tashkil etadi.

Alois Raynerning ta’kidlashicha, geosiyosiy voqealar va yetkazib berish tizimidagi muammolar ana shunday chora ko‘rish zarurligini ko‘rsatmoqda.