Bank shoxobchalaridan pasportsiz qancha miqdorda dollar sotib olish mumkin?

KUN.UZ tahririyatiga kelib tushgan ishonchli ma'lumotga ko‘ra, bugun, 6 sentabrdan boshlab O‘zbekistondagi tijorat banklarining valyuta ayirboshlash shoxobchalari orqali eng kam 500 oylik ish haqi (9360 AQSh dollarigacha) qiymatdagi valyutasini xarid qilayotgan mijozlardan pasport talab qilinmaydi.

Bungacha bu raqam eng kam 100 oylik ish haqi (1875 AQSh dollari edi)ga teng edi.

Eslatib o‘tamiz, O‘zbekiston Respublikasi Prezidentining «Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida»gi Farmoniga ko‘ra 5 sentabrdan e'tiboran jismoniy shaxslar ham tijorat banklarining konversion bo‘limlarida xorijiy valyutani erkin sotish va xarid qilish imkoniyatiga ega bo‘lishdi.

Xayr qora bozor. Banklarda valyuta sotuvi boshlandi