O‘zbekiston | 19:32 / 08.01.2016
3744
2 daqiqa o‘qiladi

“Mehribonlik” uylari tarbiyalanuvchilari Samarqand shahriga sayohat qilishdi

“Sog‘lom avlod uchun” fondi 2016 yilning “Sog‘lom ona va bola yili” e'lon qilinishi munosabati bilan hamda 2015-2016 o‘quv yillarining qishki ta'til vaqtida dam olishlarini mazmunli hamda qiziqarli tarzda tashkil etish maqsadida aholining ijtimoiy himoyaga muhtoj qatlamlari (ko‘p bolali va kam ta'minlangan oilalar, nogironlar va h.k.lar) o‘rtasida qator xayriya va madaniy-ma'rifiy tadbirlarni amalga oshirib kelmoqda.

Ushbu xayrli ishlarni davom ettirish maqsadida, “Sog‘lom avlod uchun” fondi “O‘zbekiston temir yo‘llari” DATK hamda O‘zbekiston Respublikasi Xalq ta'limi vazirliklari bilan hamkorlikda 2016 yilning 8 yanvar kuni Toshkent shahridagi 22 va 23-sonli “Mehribonlik” uylarining jami 50 nafar tarbiyalanuvchilari uchun tarixiy Samarqand shahriga bir kunlik sayohat tashkillashtirildi.

Sayohat davomida bolajonlar Registon maydoni, Samarqand tarixi muzeyi, Go‘ri Amir maqbarasi bilan tanishadilar.