Andijon maktablarida “Birinchi qo‘ng‘iroq” tadbirlari bo‘lib o‘tdi

Bugun, 5 sentabr kuni yurtimizning barcha maktablarida 2018-2019 o‘quv yili boshlanishi munosabati bilan “Birinchi qo‘ng‘iroq” tadbirlari o‘tkazildi.

Andijon viloyatidagi mavjud 743 ta ta'lim muassasasida ham sinf xonalari o‘quvchilar bilan to‘ldi. Yangi o‘quv yilida hududdagi umumta'lim maktablariga 535 134 nafar o‘quvchi jalb etiladi. Ularga 32 837 nafar pedagog xodim ta'lim-tarbiya jarayonini olib borishga kirishishdi.

Joriy o‘quv yili viloyatda 54 352 nafar o‘quvchi 1-sinfga qabul qilinib, ular uchun 12 turdagi Prezident sovg‘alari umumta'lim maktablariga yetkazib berildi. Jumladan, Oltinko‘l tumanidagi 51 ta umumta'lim maktabi, 3ta DIMIda ham “Bilimlar kuni” nishonlandi.