Qoʻshimcha funksionallar
-
Tungi ko‘rinish
Vodiyga poyezdlar qatnovi vaqtincha to‘xtadi
30 mart kuni vodiy yo‘nalishida harakatlanuvchi bir qator yo‘lovchi poyezdlari qatnovi bekor qilindi. «O‘zbekiston temiryo‘llari» bu holatni Angren–Pop temiryo‘l uchastkasini modernizatsiya qilish ishlari bilan izohladi.
Foto: Kun.uz
«O‘zbekiston temiryo‘llari» AJ ma’lumotiga ko‘ra, joriy yilning 30 mart kuni qator yo‘nalishlardagi yo‘lovchi poyezdlari qatnovi bekor qilingan.
Ular:
— 733-sonli «Andijon — Toshkent»;
— 730/729-sonli «Toshkent — Andijon — Toshkent»;
— 92-sonli «Toshkent — Andijon»;
— 94-sonli «Toshkent — Andijon».
Shu bilan birga, ayrim yo‘nalishlardagi poyezdlar harakati o‘zgartirilgan tartibda amalga oshirilmoqda. Xususan, 2026 yil 30 mart kunli 125/126-sonli «Andijon — Xiva» poyezdi Toshkent Janubiy bekatidan Xivagacha amaldagi jadval asosida harakatlanadi.
Shuningdek, 129/130-sonli «Andijon — Termiz» poyezdi ham Toshkent Janubiy bekatidan Termizgacha belgilangan jadval asosida qatnaydi.
Kun.uz'ga izoh bergan temiryo‘l sohasi mas’ulining bildirishicha, bu cheklovlar Angren–Pop temiryo‘l uchastkasini modernizatsiya qilish ishlari bilan bog‘liq.
Qayd etilishicha, tog‘li hududdan o‘tuvchi mazkur uchastkada olib borilayotgan ishlar kelgusida poyezdlar harakatini yanada tezlashtirishga xizmat qiladi.
Kompaniya yuzaga kelgan noqulayliklar uchun yo‘lovchilardan uzr so‘ragan. Shu bilan birga, xarid qilingan temiryo‘l chiptalari uchun to‘langan mablag‘lar yo‘lovchilarga to‘liq qaytarib berilishi ma’lum qilingan.
Mavzuga oid
22:05 / 12.04.2026
“Endi bu yerda boshqa harakat qila olmayman”. Babayan "Andijon" bosh murabbiyligidan ketishini ma’lum qildi
22:14 / 11.04.2026
Qashqadaryo va Andijonda kuchli ta’sir qiluvchi dori vositalari sotib kelgan shaxslar ushlandi
14:15 / 01.04.2026
O‘zbekistonda poyezd tashuvchi aybi bilan kechiksa, yo‘lovchilarga kompensatsiya to‘lanadi
18:27 / 31.03.2026