Ukraina Turkiyadan Bayraktar TB2 zarba beruvchi harbiy dronlarni sotib oladi. Bu haqda «112 Ukraina» mamlakat prezidenti Pyotr Poroshenkoga asoslangan holda xabar bermoqda.
Ta'kidlanishicha, «Ukrspetseksport» davlat shirkati turkiyalik hamkorlar bilan tegishli bitimni imzolagan.
«Bu operativ-taktik darajadagi zarba beruvchi eng yangi uchuvchisiz uchar qurilmalar. Ular o‘zidagi yuqori texnologiyali xususiyatlarga qo‘shimcha ravishda, zirhli texnika, muhandislik va fortifikatsion inshootlar, shuningdek, dengizdagi nishonlarni yo‘q qilish uchun zamonaviy yuqori aniqlikdagi raketalar bilan jihozlanishi mumkin», - deya ma'lum qildi Poroshenko.
Uning qayd etishicha, Ukraina-Turkiya hamkorligi Kiyevning NATOga a'zo bo‘lish borasidagi strategik yo‘nalishiga mos keladi.
Eslatib o‘tamiz, avvalroq ukrainalik general mamlakat NATOga qachon a'zo bo‘lishini aytgandi.
