Ispaniyada qirolni tahqirlagan reper 3,5 yilga qamaldi

Ispaniya Milliy sud hay'ati Valtonyc taxallusi bilan mashhur reper Xose Migel Arenas Beltranni 3,5 yillik qamoq jazosiga mahkum etdi. U qirolni haqorat qilgani va terrorizmni qo‘llab-quvvatlagani uchun shunday jazoga loyiq topilgan. Bu haqda El Mundo gazetasi yozmoqda.

Sudyalarning xulosasiga ko‘ra, Valtonyc internet orqali erkin tarzda tarqalayotgan qo‘shiqlarida Basklar terrorchilik tashkiloti ETAning faoliyatini qo‘llab-quvvatlaydi. Bundan tashqari, u qirol va qirollik oilasini tahqirlaydi. 

Milliy sud hay'ati fikricha, Konstitutsiya talablari haqida gap ketganda so‘z erkinligi cheklanadi. Shunga qaramay, reper sud qaroridan norozi bo‘lib, o‘z so‘zlarini inkor etish niyatida emas.