Putin Anqaraga ishchi tashrif bilan keldi

Rossiya prezidenti Vladimir Putin Anqaraga keldi. Bu yerda u turkiyalik hamkasbi Rajab Toyyib Erdo‘g‘an bilan muzokaralar o‘tkazadi.  

Kreml matbuot xizmatining ma'lum qilishicha, Putin va Erdo‘g‘an ikki tomonlama hamkorlikning dolzarb masalalarini, jumladan, energetika sohasidagi yirik qo‘shma loyihalarning amalga oshirilishini muhokama qilishmoqchi.   

Bundan tashqari, Putin va Erdo‘g‘an muhim xalqaro muammolar, jumladan Yaqin Sharqdagi vaziyat va Suriyaning tartibga solinishi bo‘yicha fikr almashadilar. O‘tgan hafta Putin Suriyada IShID to‘liq yakson qilinganini e'lon qilgandi. 

Erdo‘g‘an matbuot xizmatida ma'lum qilinishicha, Rossiya va Turkiya yetakchilari ayni kunlarda dolzarb masalalardan biriga aylangan – Al-Quds muammosini muhokama qilishadi.