Roskomnadzor 3 millionta IP-adresdan bloklashni oldi

Rossiyada taqiqlangan IP-adreslar ro‘yxatidan Amazon va OVH SAS tarmoqostidan 3 mln IP-adres chiqarildi. Shu tariqa bloklab qo‘yilgan IP-adreslarning umumiy soni 18 mln.dan 15 mln.gacha kamaygan.

Roskomnadzor xorijiy xosting-provayderlarning uchta tarmoqostini bloklashdan chiqarganini tasdiqlagan. Roskomnadzor shu tariqa to‘g‘ri ishlovchi internet-resurslarga kirishni cheklashdan qochmoqchi.

“Telegram’ning bu tarmoqostilar tarkibida bo‘lgan IP-adreslari to‘liq o‘rnatildi va bloklanmoqda. Shu sababli tarmoqostilar bloklashdan chiqarilishi messenjerga putur yetkazish darajasiga ta'sir qilmaydi”, deyilgan Roskomnadzorda.

Roskomnadzor xuddi shu usulni qolgan tarmoqostilarga qo‘llamoqchi.

Roskomnadzor 16 apreldan Rossiyada Telegram’ni bloklamoqda. Messenjer bloklashni chetlab o‘tish uchun muntazam “manzili”ni o‘zgartirmoqda: buning uchun Amazon Web Services, Google Cloud, Microsoft Azure va boshqa bulutli xizmatlar IP-adreslarini qo‘llamoqda. Shundan keyin Roskomnadzor bu provayderlarning IP-adreslarini ommaviy bloklashni boshlagan.

Roskomnadzorda aytilishicha, bloklashlar xorijiy provayderlar Telegram’ga bo‘sh IP-adreslarni taqdim qilishni to‘xtatmaguncha davom etadi. Amazon va Google hozircha Roskomnadzor bilan hamkorlik qilishni lozim topmayapti.