Germaniya hukumati Sotsialistlar memorialida GDR sobiq rahbari dafn etilishini taqiqladi

Germaniya hukumati GDR sobiq rahbari Erix Xonekker va uning xotini Margotning jasad kulini Berlindagi Sotsialistlar memorialiga dafn etishga ruxsat bermadi. Bu haqda Deutsche Welle xabar qilmoqda.

Berlin Senatining Atrof-muhitni muhofaza qilish bo‘yicha boshqarmasi yer parlamentida XDS fraksiyasining parlamentlik so‘roviga javob berar ekan, er-xotin Xonekkerlarni memorialda dafn etish mumkin emasligini ma'lum qildi.

Idoradan ta'kidlashlaricha, Sotsialistlar memorialida dafn etish 1989 yildan buyon o‘tkazilmayapti. Hozirgi vaqtda obekt qadimiy yodgorlik sifatida himoya ostiga olingan.

Xonekkerlarning nabirasi Roberto Yanesning aytishicha, 1994 yilda vafot etgan bobosi va 2016 yilda hayotdan ko‘z yumgani Margot Xonekkerning jasadlari kuli solingan urna oilaning do‘stida saqlanmoqda va hozirgi paytga qadar ko‘milmagan.