Tramp KXDR bilan sammitdan bosh tortishi mumkin

AQSh prezidenti Donald Tramp KXDR yetakchisi Kim Chen In bilan iyun oyida bo‘lib o‘tishi rejalashtirilgan sammitdan bosh tortishi mumkin. Bu haqda Qo‘shma Shtatlar vitse-prezidenti Maykl Pens, Shimoliy Koreya tomoni Janubiy Koreya bilan muloqotni to‘xtatish borasida tahdid qilganidan so‘ng aytib o‘tdi, deb xabar beryapti Reuters.

«Kim Chen In Donald Tramp bilan o‘yin qilishga harakat qilib ko‘rsa, bu uning juda katta xatosi bo‘ladi», - deya aytib o‘tgan Pens.

Uning ta'kidlashicha, prezidentda Shimoliy Koreya yetakchisi bilan uchrashuvdan bosh tortish bo‘yicha huquq saqlanib qolmoqda.

Eslatib o‘tamiz, avvalroq amerikalik senator KXDRga harbiy harakatlar bilan tahdid qilgandi.