Фото: REUTERS/Kevin Lamarque
АҚШ президенти Дональд Трамп КХДР етакчиси Ким Чен Ин билан июнь ойида бўлиб ўтиши режалаштирилган саммитдан бош тортиши мумкин. Бу ҳақда Қўшма Штатлар вице-президенти Майкл Пенс, Шимолий Корея томони Жанубий Корея билан мулоқотни тўхтатиш борасида таҳдид қилганидан сўнг айтиб ўтди, деб хабар беряпти Reuters.
«Ким Чен Ин Дональд Трамп билан ўйин қилишга ҳаракат қилиб кўрса, бу унинг жуда катта хатоси бўлади», - дея айтиб ўтган Пенс.
Унинг таъкидлашича, президентда Шимолий Корея етакчиси билан учрашувдан бош тортиш бўйича ҳуқуқ сақланиб қолмоқда.
Эслатиб ўтамиз, аввалроқ америкалик сенатор КХДРга ҳарбий ҳаракатлар билан таҳдид қилганди.
