Moskvada 24 kishi koronavirusga gumon bilan shifoxonaga joylandi

2 mart kuni Rossiya poytaxti Moskvada koronavirusga chalinish bo‘yicha ilk holat qayd etildi. Virus Italiyadan kelgan yigitda aniqlangan. Shuningdek, u bilan yaqin aloqada bo‘lgan 24 kishi shifoxonaga joylashtirilgan.

www.globallookpress.com

Moskva meri Sergey Sobyanin o‘z blogida virus aniqlangan yigitda kasallik yengil o‘tayotgani, u zarur davolanishni olayotganini ma'lum qilgan.

Merning ta'kidlashicha, 29 fevralda yigit virusga chalinganligiga gumon paydo bo‘lgandan keyin bir kun ichida u bilan yaqin aloqada bo‘lgan barcha kishilar: qarindoshlari, tanishlari, u bilan bir reysda uchgan yo‘lovchilar aniqlanib, shifoxonaga joylangan.

“Bemorning 6 qarindoshi va 5 tanishi, yo‘lovchilardan 13 nafari shifoxonaga joylashtirilgan”, deb ma'lum qilgan Moskva meri. Shuningdek, bemor bilan birga uchgan yana 83 kishi karantinga joylashtirilgan.