Toshkentda bitta xonadon qarzdorligi sabab butun qavat suvdan uzib qo‘yildi

“Toshkent shahar suv ta’minoti” xabariga ko‘ra, holat o‘rganilganda hududiy nozir bitta xonadonga bir necha bor qarzni undirish uchun kelgani, ammo, buning uddasidan chiqolmagani aniqlangan. Qarzdor xonadonning o‘zini suvdan uzishga esa imkon bo‘lmagan.

Inspektor o‘zboshimchalik bilan yo‘lakdan bir necha xonadonga tortilgan quvurni asosiy tarmoqdan uzgan. Buning natijasida suvdan qarzdorligi bo‘lmagan xonadonlar ham bir muddat suvsiz qolgan va haqli e’tirozga sabab bo‘lgan. 

Holat qisqa muddatda bartaraf etilgan. Inspektor holat takrorlanmasligi bo‘yicha qat’iy ogohlantirilgan.